föstudagur, desember 30, 2005

flutningar

Jæja, þá erum við flutt og internetið er komið upp þannig að það er hægt að byrja að blogga aftur. Nýja heimilisfangið er 97 Leslie Terrace, AB253XB og síminn er +44 1224 630 732.

Við reynum að setja einhverjar ferðasögur inn bráðlega,

kveðja, Bergur

mánudagur, desember 12, 2005

Vikuyfirlit

Jæja, þá er enn ein vikan liðin og allt að verða vitlaust í Skotlandi. (Hægt er að smella á myndirnar til að fá stærri útgáfu á skjáinn.) Við erum orðin svo stressuð út af jólunum að við erum farin að missa svefn á nóttunni. Rannveig er búin að baka átján sortir af smákökum og ég er búinn að pússa allt silfrið. Strákarnir eru búnir að eyða síðustu þremur vikum í að búa til músastiga og við erum komin með tveggja metra hátt jólatré í stigann hjá okkur. Það lýtur nefnilega út fyrir að maður eigi að taka jólunum mjög alvarlega hér enda allir búnir að setja upp jólatréin hér í borg.

Árunum er búið að fjölga um eitt og að þessu sinni var það Benedikt sem varð átta ára í gær. Við byrjuðum daginn á að vekja hann með gjöfum og söngHann vaknaði á endanum (að hans sögn, hann var reyndar búinn að vera vakandi frá því fyrir sólarupprás) og þegar hann var búinn að skoða gjafirnar aðeins
fengum við okkur skoskan morgunmat til að hafa orku fyrir daginn.

Eins og alþjóð veit hafa bakaðar baunir í í tómatsósu töframátt og vorum við því til í slaginn.
Benedikt er hér fyrir framan háskólajólatréð sem er í leiðinni frá okkur niður í bæ:
Eitthvað fóru baunirnar misvel í fólk og Alexander þurfti aðeins að leyfa þessu að settlast áður en lengra var haldið:
Benedikt varð nú samt dálítið svangur á leiðinni niðrí bæ en sættist á að vera bara þyrstur og ákveðið var að stoppa í fyrstu búð sem á vegi okkar yrði. Benedikt spurði þá hvort ég ætlaði að kaup vatn í "svona búð þar sem konurnar í blöðunum eru búnar að fara fara úr brjóstahöldurunum" en þetta er víst ágæt lýsing á meirihluta verslana hérna. Kaupmenn á horninu skipta oftast búðum sínum í: 40% klámblöð; 40% áfengi; 15% nammi; 4.9% tilbúnir réttir og 0.1% mjólk og brauð o.þ.h.

Við fórum á Pizza Hut niðri í bæ og héldum pizzupartí og tæmdum svona eins og einn kút af gosi þannig að allir voru vel hressir.














Bergur nýbúinn að drepa annan mann, í þetta sinn með lánstóli frá Pizza hött:



Eldsnemma á laugardagsmorgun lögðum við í reisu til Peterhead sem er næsti stóri bær fyrir norðan Aberdeen þar sem Alexander fór í enn einar barnapíningarnar, löng æfing fyrir hádegi og svo beltapróf í Tae kwon do. Þetta var greinilega ferð til fjár því Alexander fór svo aftur á æfingu í dag með nýtt belti. Þá eru það bara blá rönd, bláa beltið, rauð rönd, rauða beltið, hvít rönd, önnur hvít rönd og svört rönd í svarta beltið, semsagt bara alveg á næsta leyti.


Í dag fórum við svo á jólaleikrit hjá strákunum. Þetta var hefðbundin uppfærsla á Skrooge en þeir náðu að koma öllum nemendum í P4 til P7 í leikritið en það verður að geta þess að nemendur fóru með misstór hlutverk. Strákarnir voru í sitthvoru atriðinu og sungu eitt lag hver í slagtogi við sinn bekk. Glöggir lesendur sjá ef til vill að Alexander hefur sjaldan skemmt sér jafn konunglega og þegar hann söng slagarann "Consider yourself".

þriðjudagur, desember 06, 2005

Fróðleikshorn

Leiðindapúki kom að máli við einn ritstjórnarmeðlima og hafði á orði að Íslendingar væru eins og snýkjudýr hér í Aberdeen, við borgum engan Council tax, erum á niðurgreiddum skólagjöldum, borgum skattana okkar heima o.sv. frv. blablabla.

Í tilefni þess var haldinn fundur á ritsjórn og ákveðið að taka aðeins fyrir þessa tegund lífvera og annara skyldra og starfsemi þeirra.

Gera má ráð fyrir að snýkjudýrið Plasmodium sem berst með moskítóflugum hafi valdið um helmingi allra dauðsfalla í heiminum ef frá eru talin stríð og stórslys.

Svo var það bakterían í ónýta matnum. Hún gefur frá sér eitur sem er eitraðara en striknín, arsen og úr eitur úr eitruðustu snákum. Fræðilega þarf 450 grömm af þessu eitri til að þurrka út mannkynið á heilu bretti en ætli sé ekki álíka erfitt að verða sér út um það eins og arsenið á íslandi sem nota mætti til að þurrka út danska kynstofninn.

Svo eru líka sum kvikindi sem geta lifað við ansi speisaðar aðstæður. Cyanidium caldarum bakterían á til dæmis heima í virkum eldgígum og hefur það bara fínt í vatni með pH 0. Vinur hennar, Deinoccucus radiodurans þolir 6.5 milljón röntgena geislun (ritstjórn hefur ekki tileinkað sér SI-einingar þrátt fyrir að vera í doktorsnámi) sem er 10.000 falt meiri geislun en við mennirnir þola.

Bestu kveðjur

Rannveig og Bergur

Uppfærsla á myndasíðu

Jæja,
haugarnir í Aberdeen eru loksins búnir að koma því í verk að taka myndir af myndavélinni og setja á netið. Það eru komin tvö eða þrjú ný albúm. Við reynum svo að vera stundvísari héðan í frá þannig að lesendakvörtunum hætti að rigna yfir okkur.

sunnudagur, desember 04, 2005

Vikuyfirlit 6

Ekkert markvert gerðist í vikunni sem við munum eftir en ég ætla samt að skrifa eitthvað í tilefni þess að tölvan er komin í gang.

Af strákunum er það að frétta að Benedikt er byrjaður að borða aftur á við krókódíl eftir að hafa verið frekar slappur í átinu nýlega. Alexander æfir hart í undirbúningi fyrir græna beltið í Tae kwon do. Benedikt heldur svo áfram á söngnámskeiðinu sínu á meðan Alexander stúderar Warhammer fræðin á fullu.

Gömlu hjónin fóru á námskeið um meðferð geislavirkra efna og komumst að því að Aberdeen er sú borg í Bretlandi sem hefur hæsta bakgrunnsgeislun og það er aðallega út af radon afgösun úr granítinu í húsunum. Þetta er sérstaklega uppörvandi þar sem við erum að fara að flytja í graníthús eftir 3 vikur. Ætli við komum ekki öll heim með 11 fingur á næsta ári.

Svo fórum við út að borða í gær á spænskum veitingastað og fengum alveg frábæran mat. Fórum svo á standup comedians og fengum smá "shock treatment". Mjög skemmtilegt kvöld.

Bergur og Rannveig

föstudagur, desember 02, 2005

Gamanmál

Jock was out working the field when a barnstormer landed."I'll give you an airplane ride for £5," said the pilot."Sorry, cannae afford it," replied Jock."Tell you what," said the pilot, "I'll give you and your wife a free ride if you promise not to yell. Otherwise it'll be £10."So up they went and the pilot rolled, looped, stalled and did all he could to scare Jock. Nothing worked and the defeated pilot finally landed the plane. Turning around to the rear seat he said, "Gotta hand it to you. For country folk you sure are brave!""Aye," said Jock "But ye nearly had me there when the wife fell oot!"