þriðjudagur, nóvember 29, 2005

Fróðleikshorn

Áður en lengra er haldið er rétt að minna á að glænýtt vikuyfirlit er fyrir neðan fróðleikshornið.

Þar sem fróðleiksmolar úr ríki náttúrunnar mældust misvel fyrir drógu nokkrir ritstjórnarmeðlimir sig inn í skel, lögðust undir feld með höfuðið í bleyti og létu í kjölfarið IMG-Gallup í samstarfi við NFS-fréttastofu (eða hvað það nú heitir) gera hávísindalega viðhorfskönnun og þarfagreiningu á fróðleiksþorsta lesenda vefsins.

Og þá vindum við okkur í "sagnfræðina".

Opinber skýring á dauða Elvis Presley's mun vera sú að hann hafi fengið hjartaáfall inni á baði hjá sér í Graceland þann 16. ágúst 1977.
Þetta þykir víst ekki nógu góður dauðdagi hjá kauða þannig að við ætlum að telja upp nokkrar dauðaorsakir sem velt hefur verið upp um hvernig þessi maður endaði stundir sínar í kastljósi frægðar og frama.

Á hótelum dvaldi Elvis oft undir nafninu John Burrows. Nokkrum dögum eftir að Elvis dó fréttist af manni með þetta nafn og sem líktist Elvis kaupa flugmiða til Suður Ameríku. innskot: Ritsjórn þykir þetta frekar léleg skýring.

Elvis hitti Nixon á sínum tíma og þeir voru sammála að Bítlarnir og fleiri hljómsveitir hefðu vond árhif á ungviðið í USA. Elvis bauðst því til að vera sendiboði stjórnarinnar til að breiða út fagnaðarerindið um vímulausa æsku. Elvis ku hafa boðið CIA að grafa út jörðina undir Graceland til að nota sem risaneðanjarðarfylgsni í baráttu sinni gegn eiturlyfjum. Þegar gamanið stóð sem hæst hjá CIA mun Elvis eitthvað hafa styggst og hótað að segja frá starfsemi CIA undir Graceland en hann hafi ekki áttað sig hversu harðsvíraðir svírar CIA menn voru og þeir hafi einfaldlega kálað honum. innskot: Þetta er allt farið að vera mun líklegra.

JFK var eins og sumir hafa heyrt ekki við eina fjölina felldur í kvennamálum og að honum hafi orðið nokkuð ágengt í að ná sér í þotuliðskonur. Elvis var víst ekki alveg ánægður með þennan frama JFK á þessum vettvangi og það hvað hann var almennt mikið kvennagull og hafi þess vegna látið skjóta JFK. Síðan hafi Elvis verið drepinn í hefndarskyni.

Margir halda að Kóngurinn hafi dáið úr ofneyslu eiturlyfja en faðir hans hafi fengið lækna sem úrskurðuðu hann látinn til að segja að hann hafi fengið hjartaáfall til að skemma ekki ímynd Elvis sem baráttumanns gegn fíkniefnum. innskot: Þetta er náttúrulega svo fáránleg hugmynd að hún ætti ekki einu sinni að vera talin með í þessari upptalningu.

Jæja, þessi upptalning sýnir það og sannar að sá ritstjórnarmeðlimur sem stóð á bak við þennan póst hefði greinilega átt að fara í sagnfræði en ekki að vera að eyða tímanum í að skoða hvernig náttúran hagar sér.

kveðja, Ritstjórn

Vikuyfirlit 5

Jæja,
þá koma einhverjar fréttir í seinna fallinu. Myndir koma á morgun.

Hér er búið að vera svo kalt að þetta er eiginlega alveg glatað. Í síðustu viku voru yfir 100 skólar lokaðir í skírinu en Aberdeen slapp að mestu leiti. Það var líka alveg brjálæðislega mikið að gera hjá gasviðgerðaköllum hér í borg því í vikunni byrjuðu Skotar að fýra upp í kyndingunni og þegar maður er ekki búinn að nota kerfið sitt síðan í janúar vilja hlutir bila. Við Íslendingarnir hér í borg áttum ekki við þessi vandræði að stríða vegna þess að við erum víst umhverfissóðar og kyndum híbýli okkar daglega til að þurfa ekki að ganga um í Yeti-stígvélum inni eins og skosku stelpurnar.

Síðasta miðvukudag skruppum við til Glasgow eftir skóla hjá strákunum og fórum á tónleika með Franz Ferdinand. Þetta voru hörkutónleikar enda hljómsveitin á heimavelli. Þeir spiluðu alla slagarana og ég hélt stundum að þakið ætlaði af í fagnaðarlátum. Við skemmtum okkur voða vel og Alex og mamman dönsuðu helling í stúkunni en Benedikt var orðinn frekar slompaður þegar leið á kvöldið en hafði samt mjög gaman að. Við keyrðum svo heim aftur um kvöldið til að komast í skóla og vinnu daginn eftir.

Um helgina fór Guðrún til Íslands og skilaði af sér fyrsta skammti af jólagjöfum frá okkur og í tilefni þess að við vorum búin að losa okkur við einhverja pakka fórum við í bæinn á Laugardaginn v.þ.a. Benedikt var búinn að panta jólaskraut. Í bænum var styrjaldarástand og manni leið eins og á Þorláksmessu á Laugarveginum en svo föttuðum þegar heim var komið að þetta var nú bara fyrsta aðventuhelgin þannig að ætli við slökum ekki á í jólaundirbúningi svona næstu þrjár til fjórar vikurnar. Um kvöldið fórum við svo í matarboð til vinafólks okkar Hólmfríðar og Stefáns og borðuðum Angusnaut. Fullorðna fólkið skrapp svo aðeins niður í bæ og við skildum strákana eftir hjá þeim þar sem þau eru líka með Au-pair fyrir sína skæruliða.

Nú, við fórum svo í gær og skoðuðum aðra íbúð og fórum svo í morgun og sóttum um hana. Til að gera langa sögu stutta erum við búin að fá hana og flytjum inn þar þann 20. des ef allt gengur að óskum. Þessi íbúð er í gömlu graníthúsi (einu af nokkrum hér í bæ), hátt til lofts, alvöru arinn, stór herbergi og allur pakkinn en samt ódýrari heldur en það sem við erum í í dag þannig að við erum bara mjög ánægð með þetta. Það hlýtur reyndar að vera eitthvað catch við þetta og ég held helst að það búi axarmorðingi í skúrnum úti í garði sem fylgir með íbúðinni.

Rannveig hélt svo fyrirlestur í grúbbunni sinni um allt sem viðkemur íslenskum jarðvegi þannig að þið getið rétt ímyndað ykkur hvað það hefur verið áhugavert. En það gekk sem sagt vel og næsti fyrirlestur ekki fyrr en í mars hjá okkur báðum.

Strákarnir kláruðu svo sundnámskeið sem þeir eru búnir að vera á í vikunni og þetta voru sko alvöru barnapíningar, námskeiðið endaði með flugsundi en það er eitt af þessum athöfnun mannana sem lætur mig helst líkjast sandpoka í vatni.

Benedikt er svo byrjaður í söngkennslu þar sem krakkarnir er látnir syngja popplög og þess háttar þannig að þetta er dálítið öðruvísi en kórinn í Álftanesskóla. Hann er sem sagt alsæll og ætlar "pottþétt" að halda áfram.

Fróðleikshorn fylgir kannski á eftir en kemur kannski á morgun,

Bergur

mánudagur, nóvember 21, 2005

Vikuyfirlit 4

Vikuyfirlitið átti víst að koma á “bloggið” í gær en ég þurfti víst að sinna mikilvægari störfum sem var að horfa á Nottinghill í sjónvarpinu með Hugh Grant og Julia Roberts (stelpumynd).

Lífið gengur bara sinn vanagang hér í Abbó. Vakna, borða morgunmat, fara í skólann, koma heim, elda, keyra börn á námskeið, heimavinna barna, sjónvarpsgláp hjá fullorðna fólkinu eða lesa “The Davinci Code” (eða skrifa blogg) og tölva, mála Warhammer-kalla og leika með tæknilegó hjá börnunum og svo háttatími.

Þegar kemur að helgum er miklu meira krassandi að segja frá. Öll fjölskyldan beið spennt eftir föstudeginum því þá var mikill dagur en það var frumsýningardagur hér í Aberdeen á nýju Harry Potter myndinni. Við vorum öll mjög spennt því við höfum verið að lesa saman Harry Potter bókina sem myndin fjallar um. Þannig að um leið og vinnudagurinn var búinn var Aleaxnder skutlað á æfingu. Eftir æfingu hjá honum var skundað á hollustu staðinn “Mc Donalds” þar sem nokkrum borgurum var reynt ljúflega með sykurdrykknum sívinsæla, kókakóla. Nú þaðan var farið beint í bíó (höfðum keypt miðana með vikufyrirvara) þar sem keypt var popp handa strákunum og Guðrúnu (au-pair) og Haagen Dasz ís handa mömmunni því mér finnst hann vera besti ís í heimi.
Nú myndin var auðvitað frábær en Alex fannst vera of mikið sleppt úr bókinni. Ég hafði hins vegar enga skoðun á því. Það er aldrei hægt að koma heilli bók í 2 ½ tíma mynd.

Á laugardagskvöldið fékk ég Guðrúnu til að passa krakkaskarann (Alex, Benedikt, Einar og Eydís) hjá Agli og Rögnu svo við gætum farið 4 út að borða. Það er allt svo miklu ódýrara hér í Skotlandi að maður er farinn að lifa hálfgjörðu kóngalífi, út að borða að minnsta kosti einu sinni viku…það er nú munur að vera íslenskur stúdent í útlöndum á spena hjá ríkinu, he he he.

Nú nú. Við fórum á grískann veitingastað sem var alveg frábær. Þjónarnir voru svo hressir og skemmtilegir að það hálfa væri nóg. Þeir fengu stóran hluta af matargestum til að stíga dans undir handleiðslu þeirra við suðræna tóna og tóku ekki mál ef matargestir kláruðu ekki matinn sem var búið að matreiða ofan í þá. Það var gæsapartý á næsta borði og það þurfti sko ekkert að dekstra þær til á dansgólfinu. Eftir veitingastaðinn fórum við á “Prince of Whales” pöbbinn og fengum okkar 2 pintur fyrir svefninn. Vorum kominn í háttinn kl. 1:30. Svona á maður náttúrulega að gera þetta en ekki vera alltaf á þessu skralli langt fram á nótt eins og á Íslandi. Byrja snemma og hætta snemma, það er málið.

Talandi um gæsapartý. Rannveig, er ekki bara málið að halda gæsapartýið þitt hér í Abbó. Bara svona til að vera viss um að ég missi nú ekki af neinu…

Því miður tókum við engar myndir þessa viku þannig að það er ekki komið neitt nýtt inn á “myndalinkinn”. Ætla ekki að hafa þetta lengra í bili og vona að allir hafi það gott.

Kv Rannveig og co (eða kannski bara Rannveig GROUP eins og er svo móðins að kalla sig á Íslandi)

fimmtudagur, nóvember 17, 2005

Gamanmál

WEE HUGHIE'S BURIEL
Wee Hughie was in the garden filling in a hole when his English neighbour peered over the fence. Interested in what the mad man was up to, he politely asked, 'What are you doing there, Hughie?'

'My goldfish died,' replied Wee Hughie tearfully without looking up, 'and I've just buried him.'

The English neighbour was very concerned. 'That's an awfully big hole for a goldfish, isn't it?'

Wee Hughie patted down the last heap of dirt then replied, 'That's because he's inside your fucking cat.

miðvikudagur, nóvember 16, 2005

Fróðleikshorn á þriðjudegi

Þar sem við erum nú nátturufræðingar þykir við hæfi að snerta á mörgum hliðum náttúrunnar. Og við notum að sjálfsögðu heimsmetabókina sem Alexander fékk í afmælisgjöf um daginn.

Það kemur í ljós að mesta mælda útkoma á 24 klukkustundum féll á hinni rómuðu eyju Endurfunda (La Reunion) í Indlandshafi. Þetta gerðist árið 1952 og mældist úrkoman hvorki meiri né minni er 1870 mm.

Til samanburðar má geta þess að þurrasta veðurstöð í heimi er í Atacama eyðimörkinni. Á tímabilinu 1964 til 2005 var meðalársúrkoma 0.5 mm á ári.

Nú og svo ef einhverjir eru að kvarta yfir þessari endalausu rigningu og veseni á Íslandi vill ritstjórn benda á að á Mount Wai-' ale-' ale á Hawaii eru rigningardagar upp í 350 á ári og ársúrkoma er yfir 10 metrar. Þá geta nú meira segja spældir íbúarFort William prísað sig sæla.

sunnudagur, nóvember 13, 2005

Skýrsla 3

Minni á myndasíðuna sem hlekkurinn hér til hægri bendir á. Þar eru fleiri myndir.

Vikan byrjaði rólega framanaf en svo var tekin örstutt pestagusa á aðfaranótt miðvikudags með tilheyrandi svefnleysi. 3 af 5 voru í veikindaleyfi þann daginn en allir orðnir hressir á fimmtudeginum sem var kannski eins gott því þá var runninn upp ellefu ára afmælisdagur Alexanders. Hann fékk MP3 spilara og Warhammer kalla í afmælisgjöf og svo fórum við á veitingastað niðri á strönd þar sem allir á veitingastaðnum sungu afmælissönginn fyrir Alex. Ég held nú að hann hafi farið svolítið hjá sér greyið.

Á föstudaginn fórum við í smá kvöldkaffi(wiskí) hjá Agli og Rögnu sem var ágæt upphitun fyrir það sem koma skildi daginn eftir.

Ég og Alexander vöknuðum snemma í gær því ég þurfti að keyra hann á æfingu með Master Sohoto sem er voða heimsfrægur Taekwondo kall sem var kominn til að kenna eina æfingu. Alex fékk eiginhandaráritun og mynd af sér með kauða. Að lokinni maraþonæfingu fórum við heim og við rétt náðum heim fyrir afmæliskaffi við buðum 2 fjölskyldum sem við þekkjum að þiggja kaffi og meðlæti. Þetta gekk allt stórslysalaust fyrir sig, Alex hafði Heimsmetabók Guinnes og Bionicle kall út úr krafsinu (og Benedikt reyndar einn líka) og allir voru bara nokkuð sáttir.

Í dag vorum við svo vakin upp með sekkjapípublæstri og skrúðgöngu vegna þess að í dag minntust Bretar fallinna hermanna. Rannveig, Benedikt og Guðrún höfðu reyndar verið vakin í gærmorgun líka þegar æfingaskrúðganga fór fram.

Þegar við vorum búin að jafna okkur á sekkjapípunum og fá okkur morgunmat fórum við út í Seaton Park sem er risastór garður við götuna okkar til að prófa fjarstýrða flugvél sem ég keypti mér um daginn. Til að gera langa sögu stutta hafði þessi gripur frekar litla flughæfileika og virtist hafa nokkuð einbeittan brotlendingarvilja. Eftir að hafa hent vélinni upp í loftið um 5 sinnum brotnaði nefið af henni og ég gafst upp. Létum strákana fá smá útrás í garðinum og fórum svo heim þar sem Rannveig málaði Warhammer kalla og ég bútaði flugvélina í spað og bjó til kvartmílubíl úr legó með tveimur flugvélamótorum, hrikalega öflug græja en þetta virðist hafa verið frekar mikið álag á batteríin sem fylgdu með vegna þess að þau eru ónýt. En sem sagt frábær dagur.

fimmtudagur, nóvember 10, 2005

Gamanmál

In the old days the English and Scottish armies used to fight by gathering their armies on top of the hills and at day break they would run down the hillside into the deep gorge below to fight.
One morning at dawn there was a fog (as thick as pea soup) and the two generals decided to refrain from fighting that day. Whilst the two armies were resting a voice, with a scottish accent came from within the dense fog.
"Any one scotsman can beat any 10 englishmen".
With this, the english general sent down 10 of his soldiers. There was a hell of a fight and NO ONE returned. An hour later, the same voice was heard.
"Any one scotsman can beat any 50 englishman".
With this the english general sent down 50 of his soldiers. The same thing, a terrible fight ensured and again NO ONE returned. An hour later the same voice.
"Any one scotsman can beat any 100 englishman".
Same same, down went 100 of the best. NO ONE returned. An hour later.
"Any one scotsman can beat any 1,000 englishman".
By this time, the english general had had enough and was about to send down his elite soldiers, when he saw a lone englishman crawling up the hill. He was battered to a pulp. As he reached his general he said, "Don't send any more troops down, its a trap, THERES TWO OF THE THEM".

Fróðleikshorn

Lesandi kom að máli við einn af vefstjórum þessa svæðis og þótti fróðlegt að vita hversu margir ánamaðkar eru á Íslandi.

Eftir ákafa heimildaleit um þéttleika ánamaðka í eldfjallajarðvegi komust fréttasnápar svæðisins að því að það mætti setja gróft meðaltal yfir Ísland sem 20 ánamaðkar á fermeter. Þetta er byggt á þeirri forsendu að nokkuð stór hluti af landinu er mjög frjósamur og þykkur eldfjallajarðvegur sem inniheldur oft á bilinu 40 til 60 ánamaðka á fermeter og á móti er töluvert af auðnum eru frekar óvistlegur staður fyrir ána að una sér á.

Út út þessu kemur að ánamaðkar gætu verið í kring um tvö þúsund milljarðar. Þetta er nú ansi svakaleg tala en vefstjórar hafa ekki tíma til að hugsa meira um þessa tölu þar sem við erum að fara út að borða í tilefni þess að Alexander á afmæli í dag.

nefndin

mánudagur, nóvember 07, 2005

Halloween - Vikuyfirlit nr. 2

Jæja þá er komið að vikuyfirliti nr. 2.
Þessi vika hefur fyrst og fremst einkennst af Halloween hrekkjarvöku sem hófst síðasta mánudag. Þegar maður á börn kemst maður víst ekki hjá að upplifa þetta allt saman. Það skal reyndar viðurkennast að við kunnum ekki alveg á þetta til að byrja með en vorum fljót að læra. Kl 19:00 á mánudagskvöldið kvöldið hringdu nokkrir krakkar á bjöllunni hjá okkur of báðu um “trick eða tread”. Við ákváðum að gefa þeim “tread” eftir að hafa leitað í öllum skápum að einvherjum sætindum sem við svo loks fundum á bak við núðlusúpurnar. Þetta varð til þess að við (ég og strákarnir) komust í hrekkjarvökustemningu og vildum fara út að “trick og tread-a” en vissum samt ekki alveg hvort við ættum að þora. Strákarnir áttu búninga því þeir áttu að mæta á Halloween diskótek í skólanum sínum daginn eftir og eftir að hafa hringt í Rögnu til að fullvissa mig að þetta væri nú allt saman í lagi skelltu strákanir sér í búninga og við örkuðum á stað um hverfið okkar.

Þar var auðvitað að finna fullt af börnum í búningum. Við gengum á flest hús í götunni okkar og þetta gekk nú líka svona ljómandi vel. Strákarnir kúfylltu 2 poka eins og sést á eftirfarandi mynd. En þannig virkar þetta að ef fólk segir “tread” fengu strákarnir strax sælgæti en sagt var “trick” söng Benedikt eftirfarandi vísu:

Trick or tread
Trick or tread
Give me something nice to eat
If you wont
I don´t care
I´ll just pull down your underware

Og Alexander sagði síðan gátu sem var á eftirfarandi hátt:

What has eyes, a nose and a mouth but no toungue : a pumkin

Þetta þótti öllum voða sniðugt og fengu þeir fengu drengir ennþá meira sælgæti sem við situm ennþá uppi með.

Næsta dag var síðan mikið dansiball í skólanum hjá strákunum þar sem allir mættu í “scary costumes” og úr varð vægast sagt mikil gleði og þurfti ég standa með báða fingur í eyrunum svo ég myndi ekki verða fyrir varanlegum heyrnarskaða (er ekki að ýkja).

Eftir öll hrekkjarvökuævintýri fór allt í sama farveg hjá fjölskyldunni á Don Street. Allir í skólann smáir og stórir þar til kom að kærkominni helgi. Á föstudaginn elduðum góðan mat og öll fjölskyldan horði á About a Boy (æðisleg mynd) en á laugardaginn var mikill dagur hjá Alexander sem fór í beltapróf í Taekwon do. Þetta tók heilann dag.
Fyrst voru æfingabúðir kl 9:00 um morguninn til 12:30 en eftir það tók við próf til kl. 15:00. Það er sem sagt ekkert grín að æfa þessa íþrótt. Nú auðvitað stóðst barnið prófið og var að vonum mjög stoltur. Alexander er síðan að fara næstu helgi í Taekwon Do æfingabúðir og mun æfa þar með “Master B Sahota (kóreanskur Taekwon Do meistari sem er að koma að heimsækja félagið og þetta er víst mikill heiður að sögn Alexanders). Master B Sahota æfði sem sagt hjá þeim sem stofnaði íþróttina á sínum tíma og er Alaxanders auðvitað mjög spenntur yfir því. Já og síðan má nú ekki gleyma því að litla barnið mitt sem er ekki lengur litla barnið mitt er að verða 11 ára næsta fimmtudag. Ef að maður er ekki að verða gamall þá veit ég ekki hvað.

Á laugardagskvöldið skruppum við Bergur síðan á bjórfestival sem var yfir helgina hér í borg með vinafólki okkar Hólmfríði og Stefáni. Eftir að hafa smakkað á nokkrum velvöldum fórum út borða og svo á svo á dansiball á “Espionage” sem er aðal danstaðurinn hér í Abbó. Veit ekki hvað skal segja um tónlistina og við gátum nú samt eitthvað dillað með unga fólkinu...segir konan sem mun eftir 3 daga eiga 11 ára barn.

Sunnudagurinn fór að mestu í leti. Fórum samt á alþjóðlegan útimarkað í miðbænum og keyptum Cidre, ost og hvítlauksbúnt af frönskum bónda.

Ætli að ég verði nú ekki að fara hætta. Þetta er kannski orðið soldið nákvæmt hjá mér.

Bið að heilsa og muna svo að skoða nýju myndirnar sem búið er að setja inn á myndasíðuna.

Rannveig

fimmtudagur, nóvember 03, 2005

Gamanál

Hér kemur smá skoskur brandari til að lífga upp á tilveruna.

A Guy walks into a bar with an octopus. He sits the octopus on a stool and announces that this is a very talented octopus, which can play any musical instrument in the world.Everyone laughs at the man, calling him an idiot. So he says that he'll wager £50 to anyone who has an instrument that the octopus can’t play.A guy walks up with a guitar and puts it beside the octopus. Immediately the octopus picks up the guitar and starts playing better than Eric Clapton. The guitar man pays up his £50.Another guy comes up with a trumpet. This time the octopus plays like Miles Davis.This guy pays his £50. Then a Scotsman hands over a set of bagpipes. The octopus fumbles with it for a minute and then sits down with a confused look."Ha," the Scot says. "Can ye no play it?" The Octopus looks at him and says: "Play it? I’m going to make love to it as soon as I figure out how to get these pyjamas off..."

þriðjudagur, nóvember 01, 2005

Fróðleikshorn

Fyrir þá sem hafa gaman að málmum og tengdum málum koma hér nokkrar tölur um Eiffelturninn þar sem fjölskyldan hefur þó nokkur tengsl við Frakkland.

Turninn er smíðaður úr 18.038 járnbitum og þeir eru festir saman með 2.500.000 boltum. Málmgrindin sjálf er 10.100 tonn og það eru alls 1665 þrep upp á topp.

Um síðustu áramót höfðu, samkvæmt opinberum teljara, 216.476.171 manns heimsótt turninn sem verður að teljast nokkuð gott.

Fróðleikshorn

Fyrir þá sem hafa gaman að málmum og tengdum málum koma hér nokkrar tölur um Eiffelturninn þar sem fjölskyldan hefur þó nokkur tengsl við Frakkland.

Turninn er smíðaður úr 18.038 járnbitum og þeir eru festir saman með 2.500.000 boltum. Málmgrindin sjálf er 10.100 tonn og það eru alls 1665 þrep upp á topp.

Um síðustu áramót höfðu, samkvæmt opinberum teljara, 216.476.171 manns heimsótt turninn sem verður að teljast nokkuð gott.

Myndir

Jæja, nú er ég búinn að finna út úr þessu með myndirnar, hægra megin á síðunni er hlekkur sem vísar á myndasíðuna. Á myndasíðunni koma nýjar myndir nokkuð reglulega og ætli við látum ekki vita hér þegar nýar myndir koma.

Rannveig, strákarnir og Guðrún eru núna á Halloween diskó þar sem er bannað að vera í scary costums og að vera með grímu er líka algjört nono. En það kemur í ljós hvernig þetta hefur gengið á eftir. Meiri fréttir um það síðar.

kk, Bergur